“Qarabağ” Çempionlar Liqasının I təsnifat mərhələsində Sloveniyanın “Olimpiya” klubunu iki oyunun nəticəsinə görə məğlub edərək, növbəti mərhələyə vəsiqə qazanıb.

Newsport.az-ın məlumatına görə, Ağdam təmsilçisi ÇL-in 2-ci təsnifat mərhələsində Albaniyanın “Kukesi” klubu ilə münasibətlərə aydınlıq gətirəcək.

Əgər təmsilçimiz “Kukesi” səddini keçəcəyi halda, III mərhələdə qarşılaşacağı potensial rəqiblər bəlli olub. "Qarabağ" iyulun 23-də keçiriləcək püşkdə 11 klubla qarşılaşa bilər.

“Qarabağ”la “Kukesi” arasında ilk oyun iyulun 24-25-də, cavab görüşü iyulun 31-də və ya avqustun 1-də olacaq.

Çempionlar Liqası, 2-ci təsnifat mərhələsi

Səpələnmişlər

"Legiya" (Polşa) - "Spartak" (Slovakiya) cütünün qalibi

"Zalsburq" (Avstriya)

"Ludoqorets" (Bolqarıstan) - "Videoton" (Macarıstan) cütünün qalibi

"Seltik" (Şotlandiya) - "Rusenborq" (Norveç) cütünün qalibi

"Qarabağ" (Azərbaycan) - "Kukesi" (Albaniya) cütünün qalibi

"Astana" (Qazaxıstan) - "Midtulland" (Danimarka) cütünün qalibi

Səpələnməmişlər

"Malmö" (İsveç) - ÇFR (Rumıniya) cütünün qalibi

BATE (Belarus) - HİK (Finlandiya) cütünün qalibi

"Srvena Zvezda" (Serbiya) - "Suduva" (Litva) cütünün qalibi

"Dinamo" (Xorvatiya) - "Hapoel" (Beer-Şeva, İsrail) cütünün qalibi

"Şerif" (Moldova) - "Şkendiya" (Makedoniya) cütünün qalibi

AEK (Yunanıstan)