“Qarabağ”ın U-19 komandası UEFA Gənclər Liqasının qrup mərhələsində son turunsəfərdə “Roma”lı həmyaşıdlarıyla qarşılaşıb. Oyun İtaliya klubunun 3:0 hesablı qələbəsiylə başa çatıb. 

Qarşılaşmadan sonra romalıların baş məşqçisi Alberto de Rossi Newsport.az-ın Romaya ezam olunan əməkdaşına açıqlamasında bu fikirləri bildirib:

"Əgər komandalar qrupda aşağı sıralarda olmasaydı, oyunda motivasiya da daha yüksək olardı. Bu üzdən hər iki komandanın ifasında istəkli oyun görə bilmədik. "Qarabağ" çox yaxşı komandadır. Xoşuma gəldi. Xüsusən də nəticəyə baxmayaraq, onların əks-hücumları daha yaxşı alınırdı. Açığı, "Atletiko" üzərində "Qarabağ"ın qazandığı qələbə də mənə təəccüblü gəlmədi. Çünki bizimlə ilk oyunda artıq bu komandanın nəyə qadir olduğunu bilirdim. Gələcək illərdə "Qarabağ" bu təcrübəsindən yararlanacaq".