Bu gün UEFA Çempionlar Liqasının qrup mərhələsi çərçivəsində “Qarabağ” doğma meydanda “Çelsi”ni qəbul edib.

Newsport.az xəbər verir ki, oyundan sonra “Qarabağ”ın futbolçusu Mahir Mədətov stadiona ezam olunmuş əməkdaşımızın suallarını cavablandırıb.

-İkinci hissədə nə oldu komandaya? Yorğun idiz ya sistem pozulmuşdu?

- Yox sadəcə rəqib “Çelsi” idi, bildiyiniz kimi onlara qarşı oynamaq asan deyil. Ola bilər ki, müəyyən vaxtdan sonra bir az yorğunluq var idi.

- İlk hissədə Qurban müəllim hamını çağırdı, biz elə bildik sizə meydandan çıxmaqı bildirir, nə dedi sizə orada?

- Ehtiyyatlı olmağa çağırırdı hər kəsi. 10 nəfərlə qaldığımız üçün diqqətli olmağımızı bildirdi.

- Qapınıza təyin olunan penalti qərarının təkrarına baxılıbmı?

- Təkrara baxılıb. Penalti qərarının olduğunu da deyirlər, olmadığınıda. Mən özüm şəxsən baxmamışam.

- Oyundan sonra “Çelsi”nin paltardəyişmə otağına doğru yaxınlaşdın, içəri girdin. Bu nə ilə bağlı idi?

- Yox forma dəyişmək fikrim yox idi, sadəcə qapıçımız Kanibolotskini görmək üçün ora getdim. Mənim formalarımı anam geyinir. (gülür)

-