Antonio Konte: "Qarabağ"ın əla məşqçisi və futbolçuları var"

Kateqoriya: Çempionlar Liqası | Tarix: 22.11.2017 23:39

“Çelsi” Çempionlar Liqasının qrup mərhələsinin V turunda səfərdə təmsilçimiz “Qarabağ”ı 4:0 hesabı ilə məğlub edib.

Newsport.az xəbər verir ki, oyundan sonra London klubunun baş məşqçisi Antonio Konte mətbuat konfransında jurnalistlərin suallarını cavablandırıb.

- Qırmızı vərəqə və penaltilər oyunun marağını poazmadımı? “Çelsi”nin “Qarabağ” üzərində qələbəyə hakim köməyinə ehtiyac var idi?

- Açığı, mənim üçün çətindir. Dəqiq görmədim. Fikrimcə, hakim düzgün iş görməli və qərəzsiz olmalıdır.

- Mərhələ adlamaqla bağlı düşüncələriniz necədir?

- Bəli, bunu bacardıq. İlk hədəfimiz bu idi. “Atletiko” ilə oyunu həlledici matç etmədik. “Qarabağ” “Atletiko” ilə oyunlarda xal almışdı. Həmçinin, “Roma”ya başağrısı olmuşdu. Bu qələbə məni məmnun etdi.

- Vilyanın oyunu sizi razı saldı?

- Daha çox komanda haqda danışmağı xoşlayıram. Bütün futbolçular özlərini müsbət tərəfdən göstərdi. Vilyanın 2 qol vurdu. Bu, onda inam yaratmalıdır. Vilyan belə də davam etməlidir.

- Təyyarədə yatacaqsınız, yoxsa “Liverpul”la oyunu düşünəcəksiniz?

- Uçuş zamanı bunu düşünəcəm. Hazırlıqlar üçünn cəmi 1 günümüz qalacaq. Artıq növbəti matçı fikirləşirik.

- “Qarabağ” azarkeşlərinin hazırladığı xoreoqrafiyadan nə anladınız?

- Futbolçuların belə atmosferdə oynaması xoşdur. Futbol Azərbaycanda inkişaf edir. Azarkeşlərə təşəkkür etmək lazımdır. Öz fanatlarımıza da minnətdaram ki, uzun yol qət edərək bizi dəstəkləməyə gəldilər.

- İlk oyunla müqayisədə “Qarabağ”ın oyununda fərqli nə gördünüz? Ağdam təmsilçisi sizi təəccübləndirdimi?

- İlk oyunda “Qarabağ” təşkilatnmış şəkildə idi. Əla məşqçisi və oyunçuları var var. Bu gün “Qarabağ” 10 nəfərlə də yaxşı oynadı. Qurban Qurbanovu və futbolçularını bu oyun münasibətilə təbrik edirəm.

Paylaş