Dünən Çempionlar Liqasının qrup mərhələsində keçirilmiş “Sevilya” - “Liverpul” oyunu (3:3) ilə bağlı maraqlı fakt ortaya çıxıb.
Newsport.az-ın məlumatına görə, meydan sahiblərinin fasilədən sonra əzmkar oyununun sirri bəlli olub.
“Sevilya”nın baş məşqçisi Eduardo Berisso fasilədə 0:3 hesabı ilə geridə olan komandasına xərçəngdən əziyyət çəkdiyini və oyunu onun üçün xalla tərk etməli olduqlarının bildirib. Məhz baş məşqçinin bu sözlərindən sonra futbolçular böyük əzmkarlıq göstərib. Komanda ikinci hissədə 3 qol vurararaq oyundan bir xalla ayrılıb.
"Sevilya" futbolçuları hər üç qolda baş məşqçilərini qucaqlayaraq sevinclərinin onunla bölüşüblər.
Qeyd edək ki, bu gün “Sevilya” klubu Berissonun prostat xərçəngindən əziyyət çəkdiyi barədə məlumat yayıb.