Çempionlar Liqasının qrup mərhələsi çəriçivəsində dünən səfərdə “Tottenhem”ə məğlub olan “Real” (1:3) 2 il yarımdan sonra uğursuz seriyanı təkrarlayıb.
Newsport.az xəbər verir ki, madridlilər Zinəddin Zidanın rəhbərliyi altında ilk dəfədi ki, ardıcıl 2 matçda yenilib.
Oktyabrın 29-da La Liqada “Jirona”ya məğlub olan (1:2) “Real” dünən də Lodonda yenilib. Komanda sonuncu dəfə 2015-ci ilin martında ardıcıl 2 oyunda məğlubiyyətlə barışmalı olmuşdu. Belə ki, həmin vaxt Karlo Ançelottinin rəhbərliyi altında “Real” La Liqada ardıcıl 2 tur “Atletiko” (0:1) və “Barselona”ya (1:2) məğlub olmuşdu.
Qeyd edək ki, dünənki məğlubiyyətdən sonra “Real” 7 xalla 2-ci pillədə qərarlaşıb.