‹ ›

Mahir Mədətov: "2 epizoddan birində penalti var idi"

Kateqoriya: Çempionlar Liqası  |  Tarix: 19.10.2017 00:00
"Qarabağ" Çempionlar Liqasının qrup mərhələsinin 3-cü turunda "Atletiko" ilə 0:0 hesablı heç-heçə edərək ilk xalı aktivinə yazdırıb.
 
Newsport.az xəbər verir ki, oyundan sonra Ağdam klubunun futbolçusu Mahir Mədətəov jurnalistlərin suallarını cavablandırıb:
 
- Evdə oyun keçirəndə komandaya inanıram, hər şey mümkündü. Yaxşı mübarizə apardıq. 3 xal da qazana bilərdik. 10 nəfərlə qalanda isə daha ehtiyatlı davrandıq. Uşaqlar yaxşı oyun sərgilədi.
 
- Bu oyun “Qarabağ”a nə verdi? Digər matçlara baxanda bu gün daha inamlı idiniz...
- “Roma” ilə oyunda ilk 15 dəqiqədə ehtiyatlı olsaydıq, yaxşı nəticə qazana bilərdik. Bu gün diqqətli çıxmışdıq. Buna görə də nəticə qazandıq.
 
- Qol vurmaq üçün yenə təcrübəsizlik çatmadı?
- Nə deyim... Penalti epizodlarını demək olar. 2 epizoddan birində penalti var idi. 
 
- Cavab görüşü barədə nə düşünürsən?
- Azərbaycan Premyer Liqasında “Qəbələ” ilə oyunu düşünürəm.
 
- “Atletiko”nun prezidenti ilə görüş keçirdiniz. Nə barədə danışdınız?
- “Bakı”da oynadığım müddətdə “Atletiko”ya qarşı oynamışdım. Hamısı ispanca danışırdılar. Başa düşmürdüm.
 
- Meydandakı atmosfer barədə nə deyə bilərsən?
- Hamısı möhtəşəm idi. 12 nəfər idik. Onların dəstəyi bizim gücümüzdür.
 
- Qrupda 3-cü yeri tutaraq Avropa Liqasında vəsiqə qazanmaq olar?
- Biz maksimum şəkildə çalışmalıyıq. Əlimizdən gələni etməliyik. Oyunlarda xal toplamalıyıq.


Paylaş


Xəbər lenti




1/30
MAQAZİN



Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right