"Qarabağ”ın polşalı futbolçusu Yakub Jezniçak “Çelsi”yə 0:6 hesabı ilə uduzduqları oyundan sonra Londona dəvət etdiyi “Legiya” klubunun əlil azarkeşləri ilə görüşüb.
Newsport.az-ın məlumatına görə, o, həmin fanatlarla foto çəkdirib və şəxsi “İnstagram” hesabında paylaşıb.
Jezniçak fotonun üzərinə bu sözləri yazıb: “Biz bu insanlara çox dəyər verməliyik. Onları görüncə gözlərim yaşardı. Fotoda onlar təşəkkür edirlər, amma hər dəfə mən onlara təşəkkür edirəm”.