"Çelsi" Çempionlar Liqası qrup mərhələsi çərçivəsində "Qarabağ"la Bakıda keçiriləcək səfər matçında komandanı dəstəkləyəcək azarkeşlərə güzəşt edəcək.

Newsport.az klubun rısmi saytına istinadən xəbər verir ki, London klubu uçuş, gəzinti və bir gecə 4 ulduzlu oteldə qalmağın daxil olduğu xidmət paketinin qiymətini aşağı salıb. Bu cür paketin qiyməti 359 funt (760 manat) təşkil edəcək.

Qeyd edək ki, "Qarabağ" - "Çelsi" matçı 2017-ci il noyabrın 22-də Bakı Olimpiya Stadionunda keçiriləcək.