“Çelsi” Çempionlar Liqasının qrup mərhələsin birinci turunda “Qarabağ”la keçirəcəyi matçın biletlərini satışa çıxarıb.

Newsport.az-ın məlumatına görə, bu barədə klubun rəsmi saytı xəbər yayıb. "Zadəganlar" Ağdam klubu ilə matçın biletlərini 35 funt-sterlinqdən (75 manat) satışa çıxarıb. Uşaqlar və yaşlılar üçün biletlərin qiyməti isə 17,5 funt-sterlinqdir (38,5 manat).

Qeyd edək ki, “Çelsi” - “Qarabağ” oyunu 12 sentyabr tarixində saat 22:45-də keçiriləcək.