Tofiq Bəhramov adına Respublika stadionunda "Goal line" sistemi (Qolların avtomatik müəyyənləşdirmə sistemi) qurulub.
 
Newsport.az-ın məlumatına görə, quraşdırma işləri artıq yekunlaşıb. UEFA-nın tələblərinə əsasən qurulan bu sistemin məqsədi - topun qapı xəttini keçib-keçmədiyini avtomatik müəyyənləşdirməkdir. "Goal line” sistemi Azərbaycanın futbol tarixində ilk dəfə olaraq "Qarabağ”ın Çempionlar Liqasının pley-off mərhələsində, avqustun 15-də keçirəcəyi "Kopenhagen”lə ilk oyununda tətbiq olunacaq.

Bundan əlavə, Respublika stadionunda UEFA-nın tələbinə əsasən, meydanın kənarında bilbordlar – elektron reklam lövhələri quraşdırılıb. Bu, pley-off matçı olduğu üçün bilbordların olması vacibdir.  

Qeyd edək ki, "Qarabağ" - "Kopenhagen" oyunu Bakı vaxtı ilə saat 20:00-da başlayacaq.