Bu gün Çempionlar Liqasında 1/8 final mərhələsinə yekun vurulacaq.
Newsport.az-ın məlumatına görə, keçiriləcək iki cavab oyunu ilə 1/4 final mərhələsinin sonuncu iştirakçıları da bəlli olacaq.
"Monako" Fransada "Mançester Siti"ni qəbul edəcək. İngiltərədə keçirilən ilk görüşdə 5:3 hesablı qələbə qazanan "şəhərlilər" səfərdə bu üstünlüyünü qorumağa çalışacaq. Fransızlar isə mərhələ keçmək üçün səfərdəki məğlubiyyətin əvəzini artıqlaması ilə çıxmalıdır.
Digər görüşdə isə "Atletiko" "Bayer Leverkuzen"i qəbul edəcək. Səfərdə rəqibinə 4:2 hesabı ilə qalib gələn Madrid klubu cütün favoriti hesab edilir.
Qeyd edək ki, 1/4 final mərhələsinin 6 iştirakçısı bəllidir. Bunlar "Lester", "Yuventus", "Real", "Barselona", "Borussiya" (Dortmund) və "Bavariya"dır.
15 mart
Çempionlar Liqası
1/8 final mərhələsi, cavab oyunları
“Monako” (Fransa) - “Mançester Siti” (İngiltərə) 3:1
Qollar: Mbappe, 8 (1:0), Fabinyo, 29 (2:0), Sane, 71 (2:1), Bakayoko, 77 (3:1)
İlk oyun - 3:5
“Atletiko” (İspaniya) - “Bayer Leverkuzen” (Almaniya) 0:0
İlk oyun - 4:2