Bu gün Çempionlar Liqasının 3-cü təsnifat mərhələsi çərçivəsində "Qarabağ” evdə "Viktoriya”nı qəbul edəcək.
Newsport.az-ın məlumatına görə, sözügedən oyuna bilet satışı davam edir.
Əldə etdiyimiz məlumata görə, artıq 26 min bilet sahibinə qovuşub. Qarşılaşmanın startına hələ bir neçə saat vaxt qaldığını nəzərə alsaq, tribunaların tamamilə dolacağını gözləmək olar.
Qeyd edək ki, matç saat 20:30-da start götürəcək. Oyunun reallaşacağı Tofiq Bəhramov adına Respublika stadionu 31200 tamaşaçı tutumuna malikdi.