UEFA Çempionlar Liqasının II təsnifat mərhələsinin cavab oyunları çərçivəsində Lüksemburqun "Düdelanj" komandasının qonağı olacaq "Qarabağ" artıq sözügedən ölkəyə çatıb.
Newsport.az saytının məlumatına görə, Bakı vaxtıyla 18:00-da ölkəmizi tərk edən Ağdam təmsilçisi bu saatlarda Lüksemburqa eniş edib. "Atlılar" az sonra qalacağı oteldə məskunlaşacaq. Təmsilçimiz oyunöncəsi son məşqini bu gün axşam saatlarında keçirəcək.
Qeyd edək ki, "Düdelanj" - "Qarabağ" matçı iyulun 21-də baş tutacaq. Qarşılaşma Bakı vaxtıyla saat 20:00-da reallaşacaq.