Çempionlar Liqasının II təsnifat mərhələsinin ilk oyunları çərçivəsində "Qarabağ” Lüksemburqun "Düdelanj” klubunu qəbul edəcək.
Newsport.az-ın məlumatına görə, Ağdam təmsilçisi oyunöncəsi son məşqinə çıxıb. "Atlılar"ın məşqi Suraxanıda yerləşən "Azərsun Arena"da baş tutub.
Qeyd edək ki, "Qarabağ” – "Düdelanj” oyunu sabah baş tutacaq. Tofiq Bəhramov adına Respublika stadionunda keçiriləcək qarşılaşma saat 21:00-da başlayacaq. Oyun "CBC Sport” telekanalı vasitəsiylə canlı yayımlanacaq.