Çempionlar Liqasında 1/8 finalın daha iki oyununa hakim təyinatları açıqlanıb.
Newsport.az-ın məlumatına görə, fevralın 23-ü keçiriləcək "Arsenal" - "Barselona" matçı türkiyəli hakim Cüneyt Çakıra həvalə olunub. Ona Bahattin Duran və Tarık Ongun köməklik edəcək. Dördüncü hakim funksiyasını isə Çem Satman yerinə yetirəcək.
Həmin gün keçiriləcək digər oyun - "Yuventus" - "Bavariya " görüşünü isə ingiltərəli Mişel Mullarkey idarə edəcək. Ona Stefan Çild və Mişel Oliver köməklik edəcək. Qari Beşvik isə dördüncü hakim olacaq.
Qeyd edək ki, hər iki qarşılaşma fevralın 23-ü Bakı vaxtı ilə saat 23:45-də başlayacaq.