"Oyun 90 dəqiqə oynanılır, məğlub olduq. Sonadək rəqib oyuna köklənmişdi. Mübarizə aparıb 3 qol vuraraq qələbə qazandılar. Rəqibi təbrik edirəm, yaxşı heyətə malikdirlər. Keyfiyyətli oyunçuları var. Layiqli qələbə qazandılar. İlk hissədə daha çox qol vura bilərdik. Amma bunu bacara bilmədik".
Newsport.az-ın məlumatına görə, bu sözləri "Neftçi"nin futbolçusu Eddi İsrafilov Misli Premyer Liqasının 8-ci turunda "Qarabağ"a 1:3 hesabı ilə uduzduqları oyundan sonra jurnalistlərə açıqlamasında deyib.
O, komandada yorğunluq olması ilə bağlı suala belə cavab verib: "Mən oyunun içindəyəm. Siz kənardan müşahidə edirsiniz. Bəlkə mən fərqli görə bilərəm, bəlkə də siz fərqli görürsünüz".
E.İsrafilov bildirib ki, çempionatın hələ başlanğıcıdır.: "Qarşıda bizi daha çox matç gözləyir. Çempionat bir oyundan asılı deyil. Biz çalışıb hər oyunda qələbə qazanacağıq. Kimin çempion olacağı sonda müəyyənləşəcək".