Bu gün futbol üzrə Azərbaycan kubokunda yarımfinal mərhələsinin cavab oyunları keçirilib.

Newsport.az-ın məlumatına görə, əvvəlcə “Qarabağ” – “Qəbələ” oyunu baş tutub. “Qarabağ” səfərdəki ilk matçda Qəbələ təmsilçisini 3:1 hesabı ilə məğlub edib. Cavab görüşündə daha böyük hesabla qalib gələn “köhlən atlar” ilk finalçı olub.

Yarımfinalın daha maraqla gözlənilən oyununda “Neftçi” “Zirə” ilə qarşılaşıb. İlk görüşdə qapılara qol vurulmaması bu matça marağı daha da artırırdı. Premyer Liqada da oyunları daim gərgin mübarizə şəraitində keçən bu komandalar cavab matçının əsas vaxtında qapıya yol tapa bilməyiblər. Əlavə vaxtda da hesab açılmadığından penalti seriyasına ehtiyac duyulub. 11 metrlik zərbələri daha dəqiq yerinə yetirən “Zirə” finala yüksələn tərəf olub.