Rusiya millisi FİFA və UEFA-nın sanksiyasına düşdükdən sonra futbol veteranları tərəfindən komanda ilə bağlı bir sıra təkliflər irəli sürülüb.

Newsport.az-ın xəbərinə görə, bu sözləri SSRİ yığması və “Spartak”ın keçmiş qapıçısı Anzor Kavazaşvili “Komsomolskaya pravda” qəzetinə açıqlamasına deyib. Onun gözlərinə görə, Asiya komandaları ilə yoxlama matçlarının keçirilməsi təkliflər sırasında olub: “Özbəkistanın adı çəkilirdi. Onlar tərəfdən təklifin gəldiyi bildirilirdi. Amma Rusiya Futbol İttifaqından (RFİ – red.) deyildi ki, planlarında millinin qarşılaşacağı rəqiblər var. RFİ-yə göndərilən təkliflər sırasında Özbəkistan, Tacikistan, Ermənistan, Azərbaycan, hətta Gürcüstanın oyunçularından olmaqla MDB-nin vahid yığması komandasının yaradılması da var. Çalışırıq ki, komandaya bu ölkələrin hər birindən bir məşqçi cəlb olunsun və məşqçi heyəti yaradılsın”. 

O bildirib ki, beləliklə, təklifə əsasən, MDB yığması mayın 1-i və ya 9-da Rusiya millisi ilə böyük mükafatı olan kommersiya xarakterli görüşü təklif edilir: “Bu, onun üçün lazımdır ki, xalq görsün ki, RFİ iş görməkdə davam edir. Matç siyasi xarakter daşımalıdır. Bununla dünyada fikir formalaşmalıdır ki, biz ruhdan düşmür və sparrinq-rəqiblər tapırıq”.