Premyer Liqanın XX turunda keçirilən "Sabah" - "Səbail" oyunundan (1:0) sonra meydan sahibi komandanın baş məşqçisi Murad Musayev jurnalistlərin suallarını cavablandırdı.

Newsport.az-ın məlumatına görə, o, əvvəlcə görüşlə bağlı fikirlərini bildirdi:

"Çətin oyun oldu. Nəzarət bizdə idi. İkinci hissədən razı qaldım. Qol vurmaqda problemlərimiz var. Buna baxmayaraq, qələbə qazana bildik".

- Rəqibə qarşı sanki qeyri-ciddi yanaşma var idi. Qol imkanları boşa verilirdi...
- Rəqibə qarşı ciddi yanaşmışdıq. Dediyinizlə razılaşmıram.

- Yusif İmanovun debütü nəylə bağlıdır, onunla bağlı planlarınız var?
​- Məşqçilər korpusu ilə belə qərara gəldik ki, ona şans verək. O, bundan çox yaxşı istifadə etdi. Oyunun qırılma nöqtəsi onun seyvi idi. Onu və gənc müdafiəçi Hiqor Qabrieli təbrik edirəm