Qazaxıstanın “Kayrat” klubunun rəhbərliyi komandanın baş məşqçisi Kurban Berdıyevə güvənir.

Newsport.az-ın məlumatına görə, bu barədə Almatı təmsilçisinin mətbuat xidməti məlumat yayıb. Xəbərdə, rəhbərliyin baş məşqçi Berdıyevi tam dəstəklədiyi bildirilib.

Bir müddət əvvəl Qazaxıstan mətbuatında yayılan xəbərə görə, “Kayrat”ın futbolçuları Berdıyevin oyun sistemini – müdafiə futbolunu bəyənmir. Bu səbəbdən, futbolçularla baş məşqçi arasında narazılıq olduğu bildirilib.

“Qarabağ” Konfrans Liqasının qrup mərhələsinin 4-cü turu çərçivəsində oktyabrın 24-də Bakıda “Kayrat”la qarşılaşacaq.

Ağdam təmsilçisi yer aldığı A qrupunda 4 xalla liderdir.