İrlandiya milli komandasının çalışdırıcısı Stiven Kenni DÇ-2022-nin seçmə mərhələsi çərçivəsində Bakıda Azərbaycana qarşı keçiriləcək matçla bağlı fikirlərini bölüşüb.
Newsport.az xəbər verir ki, 49 yaşlı mütəxəssis görüşlə bağlı bu cür danışıb: "Qarşıda bizi Azərbaycana qarşı səfər matçı gözləyir. Həmin oyunda qalib gəlmək niyyətindəyik. Qətərlə yoldaşlıq görüşü də olacaq. İndi bu 2 matça köklənmişik".
Azərbaycan - İrlandiya matçı oktyabrın 9-da Bakı Olimpiya Stadionunda keçiriləcək. Görüş saat 20:00-da start götürəcək.