Obradoviçdən darmadağına şərh

Avropa çempionatının seçmə mərhələsi çərçivəsində Avstriyaya rüsvayçı – 0:6 hesabı ilə uduzan Azərbaycanın U-21 millisinin baş məşqçisi Milan Obradoviç açıqlama verib. Newsport.az xəbər verir ki, 44 yaşlı mütəxəssis bunları deyib:
 
“Bizim üçün uğursuz gün oldu. Oyuna itkilərlə çıxmaq məcburiyyətində qaldıq”.
 
O, Rauf Hüseynlini fiziki baxımdan hazır olmadığı üçün heyətə salmadığını bildirib:
 
“Həmçinin Mert Çelik də məşqdə zədələndiyi üçün ilk hissənin əvvəlində əvəzləməyə məcbur olduq. Bundan başqa, Rüfət Əhmədovu da səfərə gətirməmişdik. Nəticədə, üç yeni oyunçu ilə meydana çıxmağa məcbur idik. Oyuna gəlincə, rəqibin ilk üç qoluna şərh verməkdə çətinlik çəkirəm. Çünki uşaq səhvləri ilə Avstriya millisinin fərqlənməsinə şərait yaratdıq. Belə demək mümkünsə, həm Xorvatiya, həm də Avstriya millisi kiçik səhvlərimizə görə bizi cəzalandırdılar”.
 
Serbiyalı baş məşqçi ikinci hissədə pressinq etdiklərini deyib:
 
“Topa nəzarət bərabər olsa da, futbolçuların sona qədər mübarizə aparmaq gücləri qalmadı. Nəticədə, rəqibə daha üç qol hədiyyə etdik. Buna baxmayaraq, uşaqlara inanıram. Onlar bacardıqlarını etdilər. Bu iki qarşılaşmadakı məğlubiyyətlər futbolçuları ruhdan salmamalıdır”.




Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right