"Son dövrədəyik, səhv etmək olmaz" İsmayıl İbrahimli

"Qarabağ"ın yarımmüdafiəçisi İsmayıl İbrahimli Premyer Liqanın 22-ci turunda “Sumqayıt”la oyundan sonra (4:1) klubun saytına açıqlama verib.

Newsport.az xəbər verir ki, 23 yaşlı futbolçu qələbə barədə danışıb və növbəti turda “Səbail”ə qarşı keçiriləcək oyun barədə fikirlərini bölüşüb:

“Matça çox ciddi hazırlaşmışdıq. “Sumqayıt”la oyunlarımız həmişə maraqlı və gərgin keçir. Vacib qələbə qazandıq və aktivimizə mühüm 3 xal yazdırdıq. İndi “Səbail”lə qarşılaşmaya köklənməliyik. Bizi səfərdə çətin görüş gözləyir. Ümid edirəm ki, bu oyun da komandamız üçün yaxşı alınacaq. Marafonun son dövrəsindəyik və çox yaxşı anlayırıq ki, səhv etmək olmaz. Hər qarşılaşmaya ciddi yanaşırıq”.

Qeyd edək ki, “Qarabağ” Premyer Liqanın 22-ci turunda “Səbail”in qonağı olacaq. Aprelin 16-da “ASCO Arena”da keçiriləcək qarşılaşmanın start fiti saat 18:00-da səslənəcək.

 
 




Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right