Azərbaycan futbolunun ən istedadlı nümayəndələrindən biri, mərhum Anatoli Banişevskinin anadan olmasının 75-ci ildönümü münasibətilə AFFA və Futbol Veteranları İttifaqının təşkilatçılığı ilə sabah xatirə oyunu keçiriləcək.
Newsport.az-ın məlumatına görə, bu barədə federasiyadan Sportinfo.az-a məlumat verilib.
Bildirilib ki, qarşılaşma «Bayıl Arena»da təşkil olunacaq. AFFA rəsmiləri və veteranların birləşmiş komandası Premyer Liqa klublarının rəhbəri şəxsləri ilə məşqçilərindən ibarət kollektivlə görüşəcək.
Görüşün saat 13:00-da başlaması nəzərdə tutulub.