“Neftçi”nin legioneri üçün il bitdi

Kateqoriya: Ölkə futbolu | Tarix: 21.12.2020 16:38

Azərbaycan Premyer Liqasında 12-ci turun "Sabah"la oyununda zədələnən “Neftçi”nin futbolçusu Yusuf Lavalın durumuna aydınlıq gəlib.

Newsport.az xəbər verir ki, arxa əzələsi dartılan 22 yaşlı yarımmüdafiəçi "Keşlə" ilə 13-cü tur matçını buraxacaq.

Bu barədə klubun Mətbuat və ictimaiyyətlə əlaqələr departamentinin rəhbəri Rüstəm Allahverdiyev "Report"a açıqlamasında bildirib. Onun sözlərinə görə, nigeriyalı oyunçu üçün 2020-ci il vaxtından əvvəl başa çatıb.

Qeyd edək ki, Yusuf Laval dünənki görüşün 60-cı dəqiqəsində zədələnərək, yerini Sabir Buqrinə verib. Səfər matçı "Neftçi"nin qələbəsi ilə yekunlaşıb - 2:0.

Paylaş