“Qarabağ” UEFA reytinqində gerilədi

Klubların UEFA reytinqi açıqlanıb. Newsport.az xəbər verir ki, avrokubokların qrup mərhələsinin V turundan sonra cədvəldə bəzi dəyişikliklər olub.
 
Bu, Avropanın ən yaxşı 100 komandası sırasında yer alan yeganə Azərbaycanın təmsilçisi “Qarabağ”dan da yan keçməyib. Aktivində 21,000 xal olan Qurban Qurbanovun yetirmələrinin də mövqeyi dəyişib.
 
Ötən həftə Niderlandın “Feyenoord” və Rumıniyanın “Styaua” klubu ilə birlikdə 65-67-ci yerləri bölüşən Ağdam təmsilçisi bir pillə geriləyib. İstanbulda Təl-Əviv “Makkabi”si ilə 1:1 hesablı heç-heçə edən “Qarabağ” artıq 66-68-ci yerləri əvvəlki şərikləri ilə bölür. Təmsilçimiz “Alkmaar”dan geri düşüb. Niderlandlıların 21,500 xalı var.
 
Qeyd edək ki, reytinqə 125,000 xala malik Almaniya “Bavariya”sı başçılıq edir.




Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right