“Qarabağ” “Makkabi” ilə oyuna Qurban Qurbanovsuz yollanır

Kateqoriya: Ölkə futbolu | Tarix: 01.12.2020 13:53

“Qarabağ”ın baş məşqçisi Qurban Qurbanov Avropa Liqasının qrup mərhələsinin 5-ci turunda "Makkabi" (Təl-Əviv) ilə oyun üçün Türkyənin İstanbul şəhərinə getməyəcək.

Newsport.az xəbər verir ki, bu barədə "Report"a Ağdam klubunun direktoru Emrah Çəlikəl məlumat verib.

O bildirib ki, 48 yaşlı mütəxəssisin vəziyyəti yaxşı olsa da, onun növbəti testi də müsbət çıxıb.

Çelikəl İsrail təmsilçisi ilə duelə komandanı Elçin Rəhmanovun çıxaracağını sözlərinə əlavə edib: "Hücumçu Musa Qurbanlının növbəti koronavirus testi neqativ çıxıb. Onun qarşılaşmada iştirakı gözlənilir".

Qeyd edək ki, dekabrın 3-də Türkiyənin İstanbul şəhərindəki “Başakşəhər Fatih Terim” stadionunda keçiriləcək “Qarabağ” – “Makkabi” matçına Bakı vaxtı ilə saat 21:55-də start veriləcək.

Paylaş