Xəbər verdiyimiz kimi, "Qarabağ" Avropa Liqasının qrup mərhələsində ev oyunlarını neytral meydanda, yəni başqa ölkədə keçirəcək.

Newsport.az-ın məlumatına görə, "Qarabağ"ın hansı ölkədə oynaması hələ ki məlum olmasa da, bu haqda UEFA-nın əsas tələbi var. Belə ki, Ağdam təmsilçisi bu mövsüm avrokubokların III və ya pley-off mərhələsi və ötən mövsüm qrup mərhələsinin  keçirildiyi stadionların birində oynaya bilər. 

Digər tələb isə, rəqib komandaların oyunların keçirildiyi ölkəyə gələrkən viza və digər məsələlərdə çətinlik çəkməməsidir.