Milli komandaların oyunları ilə əlaqədar futbol üzrə Azərbaycan Premyer Liqasında yaranmış fasilədən istifadə edən “Keşlə” bu gün yoxlama oyununda qüvvəsini sınayıb.
Newsport.az-ın məlumatına görə, Yunis Hüseynovun çalışdırdığı kollektiv “ASK Arena”da klubun əvəzedici komandası ilə qarşılaşıb. Oyun əsas komandanın 3:1 hesablı qələbəsiylə başa çatıb.
Əvəzedicilərin heyətində Tunar Mütəllimov fərqlənib. Əsas komandanın qollarını isə Rafael Məhərrəmli, Alvaro Tavares və Silvio Junior vurub.