“Sumqayıt”ı futbolçusu Əli Qurbani zədələnib.
Newsport.az-ın məlumatına görə, 30 yaşlı hücumçu Azərbaycan Premyer Liqasının 5- turunda hazırda davam edən “Qəbələ” ilə matçda zədə alıb.
Futbolçu oyuna davam edə bilməyib və əvəzlənib. Qurbaninin əvəzinə Cavid İmamverdiyev meydana daxil olub.
Xatırladaq ki, oyunçu cari mövsüm 5 qolla bombardirlik yarışında liderdir.
Qeyd edək ki, Ə.Qurbani Millətlər Liqasının qrup mərhələsində Monteneqro və Kiprlə oyunlar üçün ilk dəfə Azərbaycan yığmasına dəvət edilib.