Bu gün Azərbaycan Premyer Liqasında 5-ci turun növbəti oyunları keçirilib.
Newsport.az-ın məlumatına görə, ikinci oyun günündə iki matç keçirilib. “Qəbələ” doğma meydanda “Sumqayıt”ı qəbul edib. Görüş 1:1 hesablı heç-heçə ilə yekunlaşıb.
"Neftçi" isə "Zirə"nin qonağı olub və 0:1 hesabı ilə uduzub. Bu qələbə ilə Rəşad Sadıqovun baş məşqçisi olduğu komanda turnir cədvəlində 1-ci pilləyə yüksəlib.
Qeyd edək ki, 5-ci turun "Qarabağ" - "Səbail" görüşü təxirə salınıb.
3 oktyabr
16:00. “Zirə” – “Neftçi” 1:0
Qol: Davit Valkov, 90+5 (1:0)
Hakimlər: Elçin Məsiyev, Pərvin Talıbov, Kamran Bayramov, Rəhim Həsənov
Zirə İdman Kompleksinin stadionu
14:00. “Qəbələ” – “Sumqayıt” 1:1
Qollar: Əli Qurbani, 26 (0:1), Rafael Utrix, 44 (1:1)
Hakimlər: Əliyar Ağayev, Akif Əmirəli, Müslüm Əliyev, Rəşad Əhmədov
Qəbələ şəhər stadionu