Bu gün Azərbaycan U-21 millisi Avropa çempionatının seçmə mərhələsində növbəti oyununu keçirəcək. Newsport.az xəbər verir ki, yığmamız Fransa komandasını qəbul edəcək.
Saat 21:00-da başlayacaq görüş Sumqayıtdakı "Kapital Bank Arena"da oynanılacaq.
Türkiyəli hakim Halis Özkahyanın idarə edəcəyi görüş yığmanın 2020-ci ildə ilk sınağı olacaq.
Qeyd edək ki, II qrupda yer alan Azərbaycan millisi 6 oyundan sonra 6 xalla 3-cü pillədə yer alır. 5 görüşdən 12 xal toplayan Fransa isə 2-ci sırada qərarlaşıb. Qrupa 15 xalı olan İsveçrə seçməsi başçılıq edir.
Avropa çempionatının seçmə mərhələsi, II qrup
21:00. Azərbaycan - Fransa - 1:2
Qollar: Tural Bayramlı, 90 - Odson Eduar, 25 (pen.), Amin Qouri, 84
Hakimlər: Halis Özkahya, Kerem Ersoy, Serkan Olguncan, Alper Ulusoy (hamısı Türkiyə)
Sumqayıt. “Kapital Bank Arena”.