Avrokubokların dünən keçirilən təsnifat mərhələsi oyunlarından sonra klubların UEFA reytinqi açıqlanıb. Newsport.az xəbər verir ki, Çempionlar Liqasındakı tək təmsilçisimiz “Qarabağ” sıyahıda irəliləyib.
Ağdam klubu dünən Moldovanın “Şerif” komandasına qarşı 2:1 hesabı ilə qalib gəlib. Bununla da təmsilçimiz xallarının sayını 20,500-ə çatıdırb.
Bu göstərici ilə “Milan” (İtaliya) və “Standard”a (Belçika) çatan “Qarabağ” onlarla 62-64-cü yerləri bölüşür. Qurban Qurbanovun yetirmələri “Feyenoord” (Niderland) və “Styaua” (Rumıniya) klublarını arxada qoyub.
Qeyd edək ki, reytinqə 111,000 xalla “Bavariya” (Almaniya) başçılıq edir.