"Neftçi"nin legioneri: "Meydanda can qoymağa hazıram"

"Artıq iki ildir ki, "Neftçi"dəyəm və liqaya yaxşı bələdəm. Burada özümü daha yaxşı hiss edirəm".

Newsport.az-ın məlumatına görə, bu fikirləri "Neftçi"nin futbolçusu Mamadu Kane klubun rəsmi televiziyasına müsahibəsində deyib. 23 yaşlı yarımmüdafiəçi Azərbaycanda özünü evdəki kimi hiss etdiyini bildirib. 

Qqvineyalı oyunçu burada çox xoşbəxt olduğunu söyləyib: "İnsanlar mənə xoş münasibət göstərirlər. Çox xoşbəxtəm və burada özümü yaxşı hiss edirəm".

Afrikalı futbolçu "Neftçi"nin Qəbələdəki toplanışı barədə də danışıb: "Biz Qəbələyə getməzdən əvvəl koronavirusla bağlı test verdik. Orada isə təhlükəsizlik tam yüksək səviyyədə idi. Hazırlığımız çox yaxşı davam edir. Hər şey məni qane edir və ümumilikdə hər şey xoşuma gəlir. Məşq və bərpa prosesləri yaxşıdır. Qidalanmamız da yüksək səviyyədədir, çox razıyam. Gərgin məşq edirik, həm çempionat, həm də Avropa Liqasının oyunlarına hazırlaşırıq. Komandada hamı çox xoşbəxtdir. Canla-başla məşq edirik. Mənə olan dəstək və sevgiyə görə azarkeşlərə təşəkkür edirəm. Buna görə çox xoşbəxtəm və meydanda can qoymağa hazıram".

Qeyd edək ki, "Neftçi" Azərbaycan Premyer Liqasının I turunda avqustun 21-də evdə "Səbail"lə qarşılaşacaq. Komanda avqustun 28-də Avropa Liqasının I təsnifat mərhələsində "Bakcell Arena"da Şimali Makedoniya təmsilçisi "Şkupi"ni qəbul edəcək. 





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah