Azərbaycan – Lüksemburq matçı neytral meydanda oynana bilər

Azərbaycan millisinin UEFA Millətlər Liqasında Lüksemburqla ev oyununun məkanı dəyişdirilə bilər. Newsport.az “wort.lu” saytına istinadən xəbər verir ki, yekun qərar 15-20 avqustda UEFA-nın videokonfrans formatında keçiriləcəyi iclasda veriləcək.

Bildirilir ki, Azərbaycana girişlə bağlı məhdudiyyətlər var. Bu səbəbdən də qarşılaşma sentyabrın 5-də neytral meydanda baş tuta bilər.

Lüksemburq Futbol Federasiyasının (FLF) prezidenti Pol Filipp də açıqlamasında bunun müzakirə olunmasının vacibliyini vurğulayıb. O, pulu geri ala bilməyəcəkləri üçün hələlik çarter reysi sifariş etmək istəmədiklərini söyləyib. Federasiya rəhbəri Luksemburqda hər hansı bir komandanı qəbul etməkdə heç bir porblemin olmadığını da sözlərinə əlavə edib.

Qeyd edək ki, C Liqasının I turu çərçivəsində Azərbaycan – Lüksemburq oyunu Bakı Olimpiya Stadionunda keçirməlidir.





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah