"Keşlə" heyətini yeni futbolçu ilə gücləndirib.
Newsport.az-ın məlumatına görə, Bakı klubu "Sumqayıt"ın müdafiəçisi Şəhriyar Əliyevi transfer edib. Tərəflər az öncə 1 illik müqaviləyə imza atıb. 27 yaşlı mərkəz müdafiəçisi paytaxt təmsilçisinə azad agent kimi keçib.
Şəhriyar 2018-ci ildən "Sumqayıt"da oynayırdı. Daha əvvəl "Bakı", "Qarabağ" və "Kəpəz"in də formasını geyinmiş oyunçu son zamanlar əsas milliyə dəvət alır.
"Keşlə" daha əvvəl "Neftçi"dən ayrılan Tural Axundovu da heyətinə cəlb edib.