"Sumqayıt"ın yarımmüdafiəçisi Aleksey İsayev karyerasını yenidən Rusiyada davam etdirə bilər.
Newsport.az-ın məlumatına görə, 24 yaşlı futbolçu ilə "Ural" maraqlanır. Premyer Liqa təmsilçisi müqaviləsi mövsümün sonunda başa çatacaq futbolçu ilə danışıq aparacaq.
İsayev 2018-ci ildən "Sumqayıt"da çıxış edir. Azərbaycan vətəndaşlığı olan rusiyalı futbolçu 2016-cı ildə "Zenit"lə 3 illik müqavilə imzalamışdı.
O, Sankt-Peterburq klubunun əvəzedici heyətində 24 matçda forma geyinib. 2017/18 mövsümünü yetirməsi olduğu “Yenisey”də keçirmiş İsayev Krasnoyarsk təmsilçisinin heyətində 25 qarşılaşmada 2 qol vurub və komandası ilə birlikdə Rusiya Premyer Liqasına yüksəlmişdi.