"Hesab gözlənilməz oldu" - Elmar Baxşıyev

Premyer Liqanın 20-ci turunun “Qəbələ” – “Sumqayıt” oyunundan (5:0) sonra “qırmızı-qaralar”ın çalışdırıcısı Elmar Baxşıyevin mətbuat konfransı keçirilib.

 

Newsport.az-ın məlumatına görə, 40 yaşlı mütəxəssis qələbəni şərh edib:

 

“Hesab bizim üçün də gözlənilməz oldu. Bilirdik ki, bizi çətin oyun gözləyir. “Sumqayıt” heyətində yaxşı futbolçular olan bir komandadır. Bu, çox təhlükəli rəqibdir. Komanda həftə ərzində hazırlaşdığımız və istədiyimiz oyunu meydanda göstərdi. Bu da bizi sevindirməyə bilməz. Üzərində işlədiklərimizi meydanda gördük. Qış fasiləsindən sonra bizə bir az çətin olacağını bilirdik.

 

Bəzi oyunçular komandanı tərk etmişdi, yeni gələnlərə adaptasiya üçün vaxt lazım idi. Komanda şəklində istədiyimizi ala bilmirdik. Klesio Bauk bir ilə yaxındır komandadadır. Onun oyunu həm bizi, həm azarkeşləri sevindirməyə bilməz. Bu onun tam potensialı deyil. O, hətta çempionatın tapıntısı ola bilər. Böyük hesablı qələbə gözləmirdik.  Müəyyən boşluqlar görmüşdük və onların üzərində işləyirdik”.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right