Avropanın aparıcı çempionatlarında yoluna məğlubiyyətsiz davam edən tək komanda “Liverpul”dur. Newsport.az xəbər verir ki, Premyer Liqanın lideri çempionatda keçirdiyi 26 oyunda 25 qələbə və bir heç-heçə edib.
İspaniya La Liqasınına başçılıq edən “Real Madrid” 24 görüşdə cəmi bir dəfə məğlub olub. Madrid klubu 23 oyunda 15 qələbə qazanıbsa, 8 matçda meydandan “sülh”lə ayrılıb.
Bundesliqa birincisi “Bavariya” isə cari mövsümdə çempionatda 22 görüşə çıxıb. Münhen təmsilçisi bu oyunların 4-də meydanı xalsız tərk edib.
A Seriyasının son çempionu “Yuventus” 24 qarşılaşmada 3 məğlubiyyət alıb. Turin klubu digər 21 matçda 18 qələbə, 3 heç-heçə edib.
Azərbaycan çempionatının lideri “Qarabağ” isə hələlik “Real madird”lə eyni performansı göstərir. Son ölkə çempionu geridə qalan 17 qarşılaşmada cəmi bir dəfə məğlub olub. Ağdam klubu 16 oyunun 5-dən meydanı bir xalla tərk etsə də, 11 qarşılaşmadan qələbə ilə ayrıla bilib.