"Qarabağ" İtaliyanın "Çittadella" klubunun futbolçusu Canluka Panikonu transfer edə bilər. Bu barədə məşhur jurnalist Canluka di Marsio məlumat yayıb.
Newsport.az-ın məlumatına görə, Ağdam klubu bir sıra B Seriyası klublarının da diqqət mərkəzində olan 22 yaşlı forvardla yaxından maraqlanır. "Çittadella" oyunçunu saxlamaq istəsə də, Panikonun gələcəyinə transfer pəncərəsinin son günlərində aydınlıq gələcək.
Paniko 2018-ci ildən formasını geyindiyi sözügedən klubda 40 matçda 4 qol vurub, 7 assist edib. "Cenoa"nın yetirməsi daha əvvəl "Çezena" və "Teramo"nun da formasını geyinib. O, İtaliyanın aşağı yaş millilərinə çağırılsa da, əsas yığmaya dəvət almayıb.