‹ ›

Miloş Bakraç: "Zaur Həşimovun nə planları var idisə, yerinə yetirdik"

Kateqoriya: Ölkə futbolu  |  Tarix: 08.12.2019 21:17
Premyer Liqanın 14-cü turunda "Səbail"ə 4:1 hesabı ilə qalib gələn "Zirə"nin müdafiəçisi Miloş Bakraç oyundan sonra jurnalistlərə müsahibə verib.
 
Newsport.az-ın məlumatına görə, 27 yaşlı monteneqrolu futbolçu qələbəni şərh edib:
 
- Yaxşı başladıq. Vacib olan erkən qol vurmaq idi və 5-ci dəqiqədə hesabı açdıq. Zaur Həşimovun nə planları var idisə, onu da yerinə yetirdik. Qələbəyə layiq olduq.
 
- “Səbail” 1 qol vurduqdan sonra fərqi azaltmaq üçün təzyiqi artırmışdı. 3 qol vurduqdan sonra arxayınlaşmışdınız?
- İkinci qoldan sonra bir az rahatlaşdıq. Üçüncü qoldan sonra özümüzü daha rahat hiss elədik. “Səbail” 1 qol vuranda bir çətinlik yaşadıq. Onlar 2-ci qolu da vura bilərdi, lakin biz sonda 4-cü topu vurduq.
 
- “Zirə” qış fasiləsinə 5-ci yerdə yollandı. Çıxışınızı necə dəyərləndirirsən?
- Kubokda “Səbail”lə hələ daha iki oyunumuz qalıb. Bu oyunlardan sonra danışacağıq. Zaur Həşimov artıq 2 aydır bizimlədir və inanırıq ki, qələbələr bizi gözləyir.
 
- “Səbail”i böyük hesabla məğlub etdiniz. Bu komandanı kubokda da rahat keçəcəyinizi düşünürsünüz?
- Hər oyun fərqlidir. Həmin iki oyuna bu görüşdəki kimi yanaşsaq, uda bilərik. Lakin hər oyuna fərqli yanaşırıq.
 
- Karyeranda qısa müddət ərzində eyni komanda ilə tez-tez qarşılaşmışdın?
- Xeyr.
 
- Maraqsız deyil?
-  Biz peşəkarıq, işimiz budur. Püşkatmanın nəticəsi belə oldu. Meydana çıxmalı və oynamalıyıq.
 
- Papazoqlunu əsas heyətdən çıxardığını demək olar?
- Bunu ancaq Zaur Həşimov deyə bilər. O, necə tapşırırsa, elə də oynayırıq.
 

 



Paylaş


Xəbər lenti




1/30
MAQAZİN



Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right