İngiltərə Premyer Liqasının 12-ci turunda "Mançester Siti"ni 3:1 hesabı ilə məğlub edən "Liverpul"un baş məşqçisi Yurgen Klopp oyundan sonra açıqlama verib.

Newsport.az xəbər verir ki, almaniyalı mütəxəssis qələbəni şərh edib:

"Mançester Siti" çox yaxşı idi. Bütünü gücümüzlə müdafiədə diqqəli olmağa çalışdıq. Buna baxmayaraq, inanılmaz qollar vurduq. Matç möhtəşəm idi, gərginlik yüksək idi. Futbolçular tamamilə oyuna köklənmişdi. "Mançester Siti"ni məğlub etməyin yegənə yolu onlar kimi oynamaqdır. Bütün dünyanın komandaları üçün belə olmalıdır. Bəzən çətin olsa da, yorulana qədər mübarizə apardıq. "Mançester Siti" ilə oynadığımız bütün qarşılaşmalar maraqlı keçib, yalnız ötən mövsüm "Enfild"dəki oyun istisndadır".