“Qəbələ”nin məşqçilər korpusunda dəyişiklik baş verib.
Newsport.az klubun saytına istinadən xəbər verir ki, əsas komandada yeni məşqçi təyinatı rəsmiləşib. Azər Bağırov mövsümün sonunadək "Qırmızı-qaralar"da çalışacaq.
“Pro” kateqoriyasına malik olan 38 yaşlı mütəxəssis cari mövsümün əvvəlində I divizion təmsilçisi “Turan-Tovuz”un baş məşqçisi olub. O, məşqçi karyerasında “Qaradağ Lökbatan” və MOİK klublarına da rəhbərlik edib.
MOİK ötən mövsüm Bağırovun rəhbərliyi altında divizionun qalibi olmuşdu.