Azərbaycan Premyer Liqasının VII turunda "Qarabağ" "Sabah"ı qəbul edir.
Newsport.az saytının məlumatına görə, matçın sonlarında qonaq komandanın azarkeşləri maraqlı jest edib. Baxmayaraq ki, onların sevimli komandası 0:2 hesabı ilə geridə olub, fanatlar "Qarabağ bizimdi, bizim olacaq!" şüarları səsləndirib. Güman ki, azarkeşlər bununla Ağdam klubunun Lüksemburdqda "Düdelanj"a qarşı Avropa Liqası matçında baş verən erməni təxribatına reaksiya göstəriblər.
Meydan sahibinin fanatları isə onların bu addımını alqışlarla qarşılayıb.