Bu gün Azərbaycan Premyer Liqasında VI turun son 2 oyunu keçiriləcək.
Newsport.az-ın məlumatına görə, qarşılaşmalar paytaxt stadionlarında təşkil olunacaq.
"Sabah" komandası "Bank Respublika Arena"da "Səbail"i qəbul edəcək. Hazırda 2 xala malik meydan sahibləri matça ilk dəfə müvəqqəti baş məşqçi İqor Ponomaryovun rəhbərliyi altında çıxacaqlar.
Turun son matçı isə "ASCO Arena"da "Keşlə" və "Zirə" arasında olacaq.
Qeyd edək ki, turun ilk 2 oyununda "Qarabağ" evdə "Sumqayıt"ı 2:0, "Neftçi" isə səfərdə "Qəbələ"ni 3:0 hesabı ilə yenib.
Azərbaycan Premyer Liqası, VI tur
29 sentyabr (bazar)
19:45. “Keşlə” – “Zirə” - 2:0
Qol: Ruslan Qurbanov, 53, Lorenso Frutos, 64
Hakimlər: Əliyar Ağayev, Akif Əmirəli, Zeynal Zeynalov, Fərid Hacıyev
“ASCO Arena”
17:30. “Sabah” – “Səbail” - 3:0
Qollar: Coşqun Diniyev, 78, Cavid İmamverdiyev, 85, Şakir Seyidov, 90+4
Hakimlər: Orxan Məmmədov, Namiq Hüseynov, Vüqar Bayramov, Nicat İsmayıllı
“Bank Respublika Arena”