"Qəbələ" və "Səbail"in 11-ci dueli

Bu gün Azərbaycan Premyer Liqasında V tura start veriləcək.

Newsport.az-ın məlumatına görə, turun ilk oyun günündə meydana çıxacaq “Qəbələ” “Səbail”lə qarşılaşacaq.

Səfərdə oynayacaq bölgə təmsilçisi mövsümdə 5-ci qarşılaşmasını keçirəcək. Bakıdakı “ASCO Arena” stadionunda baş tutacaq matç iki rəqib arasında 11-ci duel olacaq. 2017-ci ildə ilk dəfə üz-üzə gələn komandalar indiyədək 8 dəfə Premyer Liqa, 2 dəfə Azərbaycan kuboku çərçivəsində görüşüblər. “Qəbələ” bu oyunlarda 6 qələbə qazanıb. 2 dəfə heç-heçə edən “qırmızı-qaralar” eyni sayda məğlubiyyət alıb. “Qəbələ”nin üstünlüyü top fərqində də əks olunub – 19:10. Baqali Dabo paytaxt təmsilçisini daha çox – 6 dəfə məyus edib. Famussa kone və Ceyms Adeniyinin hesabında 3 qol var.

Ölkə çempionatlarındakı oyunlarda da “Qəbələ” üstündü. Əvvəlki 8 matçda 4 qələbə qazanan “qırmızı-qaralar” 2 dəfə meydandan bir xalla ayrılıbsa, 2 dəfə uduzub. 14 qol vuran futbolçularımız 8 top buraxıblar.

Bu gün baş tutacaq matç saat 19:45-də başlayacaq.





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah