"Düşünürəm ki, oyuna yaxşı başladıq. Yararlana bilmədiyimiz bir neçə qol şansımız oldu". Newsport.az xəbər verir ki, bu fikirləri Xorvatiya millisinin futbolçusu Borna Barişiç Azərbaycan yığması ilə heç-heçə etdikləri (1:1) AVRO-2020-nin seçmə oyunundan sonra söyləyib.
27 yaşlı sol müdafiəçisi milimizin yaxşı oynadığını deyib: "Belə olması bizim səhv idi. Onlar bu qolu vura bildilər. Görüş əslində, Macarıstanla oyuna bənzəyir. İki qarşılaşmada 4 xal itirdik. Bu, gözlədiyimiz nəticə deyil. Xüsusən də, Slovakiyaya qarşı qələbə qazandığımız (4:0) oyundan sonra. Ancaq irəli baxıb, Macarıstanla növbəti matçı düşünməliyik. Bu oyunun ikinci hissəsində yaxşı deyildik. Meydanda əsəbilik var idi".