Namiq Ələsgərov: "Bu vəziyyətdən çıxmaq üçün bir qələbə lazımdır"

Kateqoriya: Ölkə futbolu | Tarix: 27.08.2019 00:09

"Neftçi"nin futbolçusu Namiq Ələsgərov Premyer Liqanın ikinci turunda səfərdə "Zirə"yə uduzduqları (0:1) oyundan sonra Newsport.az-a müsahibə verib.

- Yəqin ki, məğlubiyyəti gözlənilməz oldu.

- Gözləmirdik deyəndə ki, bu gün qələbə qazanmaq istəyirdik. Vəziyyətin normallaşması üçün bu, vacib idi. Çox çalışsaq da, alınmadı.

- Məğlubiyyətin səsəbini necə izah edə bilərsən? Son zamanlar “Neftçi”nin ətrafında söz-söhbətlər artıb. Bunun təsiri nə dərəcədədir?

- Bunu heç fikirləşmirdik. Ancaq qalib gəlməyi düşünürdük. Pis oynamadıq, yaxşı mübarizə apardıq. Buna baxmayaraq, qol epizodlarını dəyərləndirmədik və məğlub olduq.

- Klub ətrafındakı söz-söhbətlər komandaya necə təsir edir? Azarkeşlərin də təzyiqi artıb, istefaya səsləyirlər.

- Bu barədə danışmaq istəmirəm.

- Onsuz da qəliz vəziyyətdəsiniz. Azarkeşlər təzyiq edəndə sizə daha çətin olmur?

- Danışmaq istəmirəm.

- “Bney Yehuda”nı keçsəydiniz, daha fərqli ab-hava ola bilərdi?

- Keçsəydik, daha yaxşı psixoloji durumda olardıq. Komandaya yaxşı təsir edəcəkdi. Artıq bunu tez bir zamanda unutmalı və çempionata köklənməliyik. Nəticələrimizi yaxşılaşdırmalıyıq.

- İki oyuna bir xal toplamısınız. Bu gedişlə necə olacaq “Neftçi”nin axırı? Sizi “qara zolaq”dan nə çıxara bilər?

- Bir qələbə lazımdır ki, bu vəziyyətdən çıxaq. Gələn oyuna maksumum çalışacağıq ki, bu vəziyyətdən qurtulaq.

- “Neftçi” bu ildə çempionluq üçün çalışacaq?

- Əlbəttə, çalışacağıq ki, bunun üçün yarışaq. Hədəfimiz çempionluqdur və bunun üçün mübarizə aparacağıq.

- Ötən çempionluğu sona iki-üç tur qalmış əldən verdiniz. Bu dəfə necə olacaq?

- Hələ çempionat təzə başlayıb, indidən danışmaq tezdir. Hədəfimiz mövsümün əvvələrindən çempionluq idi. Ancaq Premyer Liqaya pis başladıq. Hər şey öz əlimizdədir, qarşıda çox oyun var, vəziyyəti yaşılaşdıra bilərik.

Paylaş