"Linfild"i "Qarabağ" önündə böyük sınaq gözləyir"

"Linfild" Avropa Liqasında qrupa düşsə, bu, Şimali İrlandiyanın klub futbolu üçün böyük uğur olacaq". Newsport.az saytının məlumatına görə, bunu "Linfild"in əfsanəvi futbolçusu Li Doherti deyib.

Şimali İrlandiya çempionu Avropa Liqasının pley-off mərhələsi çərçivəsində bu gün "Qarabağ"la üz-üzə gələcək.

1981-1994-cü illərdə bu komandanın formasını geyinmiş və 20 kubok əldə etmiş 56 yaşlı mütəxəssis yerli mətbuata açıqlamasında "Linfild"in "Qarabağ" önündə şanslarını dəyərləndirib: "Komandalarımız avrokuboklarda uğurlu çıxışa nail olublar. Ancaq müasir futbolda qrup mərhələsinə yüksəlmək zirvədi. Avrokubok matçları çox sərt olur. Devid Hili və yetirmələri bu günə qədər qazandıqlarına görə, alqışlanacaqlar. Ümumiyyətlə, klublarımızın avrokuboklardakı uğurlu çıxışı çox önəmlidi. "Linfild"in cari mövsümdəki çıxışı məni çox təsirləndirdi. Yeni transferləri komandaya əlavə güc gətirdi. Ancaq budəfəki rəqibin böyük Avropa təcrübəsi var. Buna görə də, "Linfild"i böyük sınaq gözləyir. Çox çətin olacaq. Mərhələ adlamaq həm də, büdcəni zənginləşdirmək mənasına gələcək".

Qeyd edək ki, Belfastda keçiriləcək oyun Bakı vaxtı ilə 22:45-də başlayacaq.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right